DOMUS Programa:
Elkarrekin ikasteko laguntza-prozesu bat.
Batzuetan, ordubeteko aldizkako saioak ez dira nahikoak txakur batek ikasteko edo heziketa-lana aprobetxatzeko. Domus Eskola esku-hartze hezitzaile intentsiboak egin ahal izateko gunea da, non txakurrarekin zuzenean lan egiten dugun hainbat orduz, bere tutoreen presentziarik gabe.
Gerta daiteke, adibidez, aktibazio maila oso altua dagoenean, beldurra, estresa edo erreaktibotasuna, eta txakurra bere burua arautzea, informazioa prozesatzea edo bere inguruari behar bezala erantzutea zaila egiten zaion egoera batean dagoenean. Eskolaren bidez, testuinguru eta egoera espezifikoak sor ditzakegu, eta zuzenean landu ditzakegu garatu behar dituen gaitasunak edo aldatu nahi ditugun jokabideak.
Ikaskuntzarako behar diren baldintzak sortzen ditugunean, lanak bere familiarekin jarraitzen du. Azken helburua txakurra eta bere tutoreak elkarrekin autonomia handiagoz moldatzea da.
Txakurren ESKOLA:
Zure txakurrak eboluzionatu ahal izateko espazio bat.
Batzuetan txakurrak tutoreekin aldizkako saioak baino zerbait gehiago behar izaten du. Domus Eskola heziketa-lanerako espazio bat da, non txakurrak goiz bat pasatzen duen gurekin, bere tutorerik gabe, profesionalki egituratutako eta lagundutako ingurune baten barruan.
Ordu horietan, hobetu, aldatu edo sendotu nahi ditugun jokabideak berariaz landu ditzakegu, txakurrari modu orekatuagoan moldatzen lagunduko dioten esperientziak eta ikaskuntzak eskainiz.
Goizak lana, esplorazioa, jolasa, elkarbizitza eta atsedena uztartzen ditu. Kontua ez da soilik txakurra ordu batzuez zaintzea: esperientzia bakoitzak helburu hezitzaile bat du.
ANIMALIEN PORTAERAri buruzko aholkularitza:
Zure animaliarekin hobeto bizitzeko.
Zailtasun guztiek ez dute hezkuntza prozesu oso bat hastea eskatzen.
Egoera jakin batzuetan —adibidez, haurtxo baten etorrera, katuekin edo beste animalia batzuekin bizitzea, etxeko aldaketak, etxe-aldaketak edo bizikidetza-zailtasun jakin batzuk—, nahikoa izan daiteke balorazio eta orientazio profesional espezifiko bat izatea.
Banakako balorazio batetik abiatuta, kontsultari esker, zer gertatzen ari den ulertu, txakurraren eta familiaren beharrak identifikatu eta egoera bakoitzera egokitutako jarduera-jarraibideak ezar ditzakegu.
KALA, terapia-txakurra,
DOMUSen parte da.
Kala taldekidea dut DOMUSen.
Terapia-txakurrak txakurrek lagunduriko esku-hartzeetarako bereziki hezitako eta trebatutako txakurrak dira.
Egonkortasun emozional eta autonomia handiko txakurrak dira.
DOMUSen erreferente lasai eta seguru gisa jokatzen du beste txakurren heziketa prozesuetan. Bere egoteko modu lasai eta orekatuak beste txakurrek behatu, erregulatu eta ikas dezaten errazten du.
.jpg)
Testigantzak
M. Telleria, Pedagogia Terapeutikoko Hezitzailea.
"Ezinezkoa egiten zait azaltzea benetan ikasi eta sentitu dudana ikastaro honetan zehar. Sortutako giroa zoragarria izan da. Eskerrik asko erakutsitako guztiagatik, mundu berri bat ezagutarazteagatik eta ongizatea zabalduz mundu hobeago bat eraikitzea posible dela erakusteagatik."
A. Carrasco, Gizarte Langilea.
"Lehen egunetik, Eiderrek giro atsegina eta segurua sortu zuen, non denok eroso eta motibatuta sentitzen ginen aktiboki parte hartzeko. Ikasketa horrek, nire ezagutzak zabaltzeaz gain, hainbat modutan inspiratu nau. Gaian sakontzen jarraitzeko eta nire etorkizun profesionalean eragin esanguratsua eta iraunkorra izango duen proiektu bat diseinatzeko motibazioa eman dit."
A. Roldan, Administraria.
´´Ikastaro zoragarria izan da, Eiderrek eta Kalak oso ondo azaldu eta transmititu dutena, etikatik, logikatik eta naturaltasunetik. Oso talde ona eta energia handikoa sortu dugu, beti ikastaroaren eguna noiz iritsiko irrikaz. Eskerrik asko Eider eta Kala!´´
